1992-99թթ. ՀՀ պաշտպանության փոխնախարար Վահան Շիրխանյանն այսօր ասուլիսում հայտարարել է, որ ի դեմս Ադրբեջանի նախագահ Իլհամ Ալիևի՝ գործ ունենք խելագարի հետ։

–Պատերազմ սկսելու համար պետք է առնվազն քաղաքական խելագար լինել։ Նա, առանց մտածելու հետագա քայլերի մասին, նման գործողությունների է դիմում: Պատերազմ սկսելու դեպքում նա պետք է վստահաբար իմանա, որ հակառակորդը թույլ է, միջազգային հանրությունն էլ սանկցիա չի կիրառի իր նկատմամբ: Բայց այս երկու պայմանն էլ նա չունի։ Սա գիտակցելով` Ալիևը սկսել է այսպիսի օյինբազություններ անել,–ընդգծել է Վ. Շիրխանյանը։

Սրանից զատ, նրա խոսքերով՝ ադրբեջանական բանակում համատարած կաշառակերություն և այլասերվածություն է տիրում, այնտեղ ծառայող այլազգիները՝ թալիշները, լեզգիները, ատում են ալիևյան կլանին, իսկ Ալիևի համար էլ միևնույնն է, թե հայկական կողմի հակահարվածից քանի զոհ է տալիս իր երկրի բանակը: 

ՀՀ ԱԺ պատգամավոր Կարինե Աճեմյանն էլ համոզված է, որ ադրբեջանական կողմը չի կարողանում հաղթահարել պարտվածի բարդույթը:

7or.am