Ռոբերտ Քոչարյանը կարող է դառնալ «Սիստեմա» ֆինանսական բաժնետիրական կորպորացիայի տնօրենների խորհրդի անդամ

ՀՀ նախկին նախագահ Ռոբերտ Քոչարյանը առաջադրվել է որպես «Սիստեմա» ֆինանսակամ բաժնետիրական կորպորացիայի տնօրենների խորհրդի անկախ տնօրենի թեկնածու։ Ինչպես նշված է հոլդինգի մամլո հաղորդագրությունում, ընկերության տնօրենների խորհրդի 13 տեղերի համար առաջադրվել է 13 թեկնածու։ Կորպորացիայի ընդհանուր տարեկան ժողովը կայանալու է այս տարվա հունիսի 27-ին։

«Սիստեմա» ՖԲԿ-ն Ռուսաստանու և ԱՊՀ-ում խոշորագույն հանրային դիվերսիֆիկացված կորպորացիա է, որ 100 միլիոնից ավելի սպառող է սպասարկում։ Այն ծառայություններ է մատուցում հեռահաղորդակցության, բարձր տեխնոլոգիաների, նավթաքիմիական և վառելիքաէներգետիկ, ինչպես նաև ռադիո և տիեզերական տեխնոլոգիաների, բանկային գործի, անշարժ գույքի, լրատվական և այլ ոլորտներում։

Ըստ «Ռեգնումի»