Լրահոս

29.05.2009 14:45


Թաթուլ Մանասերյան. «Սեկվեստրի միտում կա»

Թաթուլ Մանասերյան. «Սեկվեստրի միտում կա»

-Այստեղ ես պետք է տարանջատեմ իմ կարծիքը պաշտոնական տեսակետից, քանի որ սեկվեստրի միտում կա, և միգուցե դա հիմնավորված է։ Ես կողմնակից եմ, որ կրճատվեն այն ծախսերը, որոնք եթե չլինեին, առանձնապես շատ մեծ ազդեցություն չէին գործի։ Այսօր՝ ճգնաժամի պայմաններում, դրանք մեզ համար շռայլություն են,- «7օր»-ի՝ «Բյուջեի սեկվեստր կանխատեսո՞ւմ եք, թե՞ ոչ» հարցին պատասխանել է ԱԺ նախագահի խորհրդական, տնտեսագետ Թաթուլ Մանասերյանը։

Նրա կարծիքով, սակայն, սոցիալական ծախսերը չպետք է կրճատվեն, ընդհակառակը՝ պետք է ավելանան.

-Ճգնաժամի փուլում մենք գործ ունենք գնողունակության հետ, և հատկապես կենսաթոշակներն ու նվազագույն աշխատավարձերը, իմ համոզմամբ, պետք է բարձրանան, որպեսզի կարողանանք մուտք գործել նաև աշխուժության փուլ։ Ցածր գնողունակությամբ մենք դա չենք կարող անել։

 

 

Այս խորագրի վերջին նյութերը