Լրահոս

29.05.2009 16:43


ՀՀ մարդու իրավունքների պաշտպանը Սերժ Սարգսյանին առաջարկել է համաներում հայտարարել

ՀՀ մարդու իրավունքների պաշտպանը Սերժ Սարգսյանին առաջարկել է համաներում հայտարարել

Մայիսի 29-ին ՀՀ մարդու իրավունքների պաշտպան Արմեն Հարությունյանը հանդես է եկել հայտարարությամբ, որում մասնավորապես ասված է.

«Սույն թվականի մայիսի 28-ին Հայաստանի առաջին Հանրապետության 91-ամյակի կապակցությամբ Սարդարապատի ճակատամարտի հուշահամալիր այցելության ընթացքում ՀՀ Նախագահ Սերժ Սարգսյանը, պատասխանելով լրագրողների հարցերին, նշել է. «... կոչ եմ անում քաղաքական ուժերին, հասարակական գործիչներին, Հանրային խորհրդին, որպեսզի նրանք իրենց առաջարկությունները՝ համաներման անհրաժեշտության  մասին ու համաներման պայմանների մասին, ներկայացնեն նախագահական նստավայր...»:

Որպես ՀՀ Մարդու իրավունքների պաշտպան պարբերաբար իրականացնելով մարդու իրավունքների ոլորտին վերաբերող վերլուծություններ և քաջատեղյակ լինելով հանրությանը հուզող խնդիրներին՝ գտնում եմ, որ հասարակական համերաշխության և հանդուրժողականության մթնոլորտի առողջացման տեսանկյունից այսօր հասունացած է համաներում հայտարարելու անհրաժեշտությունը: Ուստի առաջարկում եմ ՀՀ Նախագահին՝ հանդես գալ համաներման հայտարարությամբ և կոչ եմ անում քաղաքական ուժերին, հասարակական գործիչներին և Հանրային խորհրդին՝ օգտագործել ստեղծված բացառիկ հնարավորությունը և նույնպես դիմել ՀՀ Նախագահին՝ Ազգային ժողովին համաներում հայտարարելու վերաբերյալ առաջարկություն ներկայացնելու խնդրանքով»:

 

Այս խորագրի վերջին նյութերը