«Բարգավաճ Հայաստան» խմբակցության պատգամավոր Վարդան Օսկանյանը ֆեյսբուքյան իր էջում գրել է.

«Որպես շարունակություն Կալիֆոռնիայում իմ տան թեմայի, մարդիկ, որոնք սխալվել են իրենց սկզբնական լրատվության մեջ, սխալ չերևալու համար այսօր ինչ-որ տեսանյութ են տարածել իմ տան մասին, որի վերջում ինչ-որ փաստաթուղթ են ցուցադրել, որտեղ իբր 96 թվականին է գնվել տունը: Սա տգիտության այն աստիճանն է, որին չարժե անդրադառնալ: Վերջին անգամ կասեմ միայն, որ ի հեճուկս բոլորի՝ տունը գնել եմ 88 թվականին, իսկ 96 թվականին ընդամենը վերաֆինանսավորել եմ, ինչն Ամերիկայում շատ ընդունված պրակտիկա է: 
Անցնեմ ավելի լուրջ թեմայի. այսօր խորհրդարանում բավական հետաքրքիր օր էր, բուռն քննարկում ծավալվեց կառավարության ծրագրի շուրջ, վաղը շարունակվելու է այդ քննարկումը: Ոչ իշխանական ուժերը, այդ թվում՝ ԲՀԿ-ն, դեմ էին արտահայտվում ծրագրին, շեշտը դնելով հետևյալ ի վրա. ա) կառավարության կազմում փոփոխություն գրեթե չի եղել, ուստի մի կառավարություն, որը հինգ տարի ձախողել է տնտեսական քաղաքականությունը, չի կարող վստահություն ներշնչել հասարակությանը, գործարարներին և օտարերկրյա ներդրողներին, բ) ծրագիրը շատ ընդհանուր է, կոնկրետիկա չկա, այն էությամբ չի կարող մեր տնտեսության և ժողովրդի առջև ծառացած լրջագույն խնդիրներին լուծումներ տալ»։