Վերջին վիճակագրական տվյալների համաձայն՝ 2012 թվականի հունվար-մայիսին «Հարավկովկասյան երկաթուղի» ՓԲԸ բեռնափոխադրումների ծավալը կազմեց 1243,7 հազար տոննա, ինչը 8,4% գերազանցում է 2011 թվականի նույն ժամանակահատվածում գրանցված ցուցանիշը:

Արտահամնան հաղորդակցությունում ՀԿԵ-ի բեռնափոխադրումների ծավալը  կազմեց 179,3 հազար տոննա, ինչը 21,9% գերազանցում է 2011 թվականի հունվար-մայիս ամիսների ցուցանիշը: Ներմուծման հաղորդակցությունում 2012 թ. առաջին հինգ ամիսների ընթացքում փոխադրվել է 478,3 հազար տոննա բեռ, ինչը 1,4%-ով պակաս է 2011 թ. նույն ժամանակահատվածի ցուցանիշից:

Իսկ բեռնափոխադրումների ծավալը տեղական հաղորդակցությունում կազմում է 586,1 հազար տոննա, ինչը 13,9%-ով գերազանցում է 2011 թ. հունվար-մայիսի ցուցանիշը:

Հարկ է նշել, որ 7%-ով ավելացել է նաև բեռնատար գնացքի միջին քաշը: 2012 թվականի հունվարի-մայիսին այս ցուցանիշը կազմել է 1441 տոննա՝ 2011 թ. նույն ժամանակահատվածում գրանցված 1347 տոննայի դիմաց:

Նշենք  նաև, որ անցյալ տարվա մայիսի համեմատությամբ 2012 թվականի մայիսին բեռնափոխադրումների ծավալն աճել է 29,9%-ով: Արտահանման հաղորդակցությունում փոխադրված բեռների ծավալներն աճել են 22,7%, ներմուծման հաղորդակցությունում՝ 44,6%-ով, իսկ տեղական հաղորդությունում՝ 21,7%-ով:

Այսպիսով, ընկերությունում շարունակվում է գործունեության հիմնական ցուցանիշների՝ այդ թվում նաև բեռնափոխադրումների ծավալների աճը: Նման արդյունքները վկայում են ընկերության ճկուն սակագնային քաղաքականության արդյունավետության մասին, ինչը բերում է բեռների արժեքում տրանսպորտային ծախսերի կրճատմանը: