Կենտրոնական ընտրական հաննձնաժողովի մամլո քարտուղար Տաթև Օհանյանը տեղեկացրել է, որ ժամը 8։00-ին բոլոր 438 տեղամասերն ընտրողների առջև բացել են իրենց դռները։

-Քվեարկությունը կտևի 12 ժամ, երեկոյան ժամը 20։00-ին տեղամասերը կփակվեն և կսկսի քվեարկության արգյունքների ամփոփման գործընթացը։ Տեղամասում քվեարկության ամփոփման գործընթացն ավարտելուց հետո տվյալները կներկայացվեն ընտրատարածքային ընտրական հանձնաժողով, որոնք թվով 13-ն են, այնուհետև արձանագրության տվյալները կմուտքագրվեն համակարգիչ, որից հետո այդ տվյալները կերևան ԿԸՀ-ի մամուլի սրահում տեղադրված էկրանին։

Ամեն ինչ արված է հրապարակայնությունն ապահովելու համար։ ԿԸՆ-ն նախնական տվյալները կամփոփի և արձանագրությամբ կվավերացնի քվեարկության ավարտից հետո՝ 24 ժամվա ընթացքում,- տեղեկացրել է ԿԸՀ մամուլի քարտուղարը։