Մեքսիկայի արևմտյան Խալիսկո նահանգում թռչնագրիպի «H7N3» վտանգավոր վիրուսի պատճառով ոչնչացվել է շուրջ մեկ միլիոն հավ: Այս մասին հաղորդում է «ՌԻԱ Նովոստի»-ն: 

Ընդհանուր հետազոտություն անցկացվել է 129 ֆերմաներում, դրանցից 24-ում հայտնաբերվել են հիվանդ թռչուններ: Այժմ այդ ֆերմաները մեկուսացված են: 

Թռչնագրիպի նոր ալիքը Մեքսիկայում արդեն հանգեցրել է հավի մսի և ձվի թանկացմանը. վերջին 15 օրում ձվի գինը բարձրացել է 60%-ով և հասել մեկ կիլոգրամի համար 24 պեսոյի (1.8 դոլար), որոշ խանութներում այն հասնում է 30 պեսոյի (2.3 դոլար):