ԱՄՆ նախագահ Բարաք Օբաման չի պատրաստվում ներողություն խնդրել Հանրապետական կուսակցության նախագահի թեկնածու Միթ Ռոմնիից՝ «Bain» ընկերության ղեկավարի պաշտոնում նրա գործուներությունը քննադատելու համար:

«Մենք չենք պատրաստվում ներողություն խնդրել: Ռոմնին պնդում է, որ կլուծի տնտեսական խդիրները, քանի որ ինքը մեծ փորձ ունի բիզնեսում: Ես կարծում եմ, որ ընտրողները միանգամայն օրինական կերպով ցանկանում են իմանալ, թե որն է այդ փորձը»,- ասել է Օբաման, ում խոսքերը մեջբերում է «Fox News»-ը:

Հիշեցնենք, որ մայիսին ԱՄՆ նախագահ Բարաք Օբամայի նախընտրական շտաբը թողարկել էր տեսանյութ, որում Օբամայի հավանական մրցակից, Մասաչուսեթսի նախկին նահանգապետ Միթ Ռոմնին մեղադրվում էր Կանզաս Սիթիի պողպատի գործարանի սնանկացման մեջ: