Անհրաժեշտ է շտապ ստեղծել «իսլամական ՆԱՏՕ» և իսլամական խաղաղապահ ուժեր: Այս մասին, թուրքական լրատվամիջոցների փոխանցմամբ,  հայտարարել է թուրքական  «Սաադաթ» կուսակցության առաջնորդ Մուսթաֆա Քամալաքը: 

-Իսլամական երկրներում այսօրվա իրադարձություները ևւս մեկ անգամ ապացուցեցին, թե որքան ճիշտ էր Թուրքիայի նախկին վարչապետ Էրբաքանը, ով կոչ էր անում ստեղծել Իսլամական խաղաղապահ ուժեր: Մենք ի սրտե ողջունում ենք իսլամական երկրների արթնացումը և աղոթում ենք հաջողության համար: Սակայն արևմտյան երկրները ուժեր են գործադրում, որպեսզի դա իրենց օգտին ծառայի: Մենք պետք է առաջին պլան մղենք ոչ թե մեր խնդիրները, այլ միասնությունը և ամբողջականությունը, - ասել է Քամալաքը: