Կանադացին, փորձելով սպանել մկանը, պատահաբար հրացանից կրակել է իր ճակատին։

«Orange News»–ի փոխանցմամբ՝ 40–ամյա Դեյլ Ուիթմելը լուրջ վնասվածքներ չի ստացել։ Փամփուշտը միայն քերծել է ճակատի մաշկը։ Կանադացին փորձել է հրացանի խզակոթով սպանել մկանը՝ չիմանալով, որ զենքը լիցքավորված է։

Հրացանը կրակել է, և փամփուշտն անցել է տղամարդու քունքի մոտով։ Ոստիկանությունը, զենքի հետ անզգույշ վերաբերվելու մեղադրանքով, գործ է հարուցել։ Մի քանի շաբաթից Ուիթմելը պետք է ներկայանա դատարան։

Մկան հետագա ճակատագրի մասին ոչինչ չի հաղորդվում։