Եվրոպական երիտասարդական պառլամենտը համախմբում է 16-24 տարեկան երիտասարդների Եվրոպական խորհրդարանի ձևաչափով Գլխավոր ասամբլեայում տարբեր խնդիրներ քննարկելու և դրանց համար համապատասխան հանձնաժողովներում բանաձևերի տեսքով լուծումներ առաջարկելու: Այստեղ ընդունված բանաձևերն ուղարկվում են ԵՄ հանձնաժողովի որպես առաջարկություն:

Եվրոպական երիտասարդական պառլամենտը ունի իր ներկայացուցչությունները եվրոպական 35 երկրներում:

ԵԵՊ-ի հետ երկարատև բանակցություններից հետո ԵԵՊ-ի հայաստանյան նախաձեռնության ղեկավարներ Սյուզաննա Շամախյանին և Հովսեփ Պատվականյանին հաջողվել է Հայաստանում ԵԵՊ ներկայացուցչություն բացել:

Հուլիսի 29-ին ԵԵՊ-ի Կառավարող մարմինը հաստատել է  Հայաստանի կարգավիճակը որպես ԵԵՊ-ի հայաստանյան նախաձեռնություն, ինչի շնորհիվ այսուհետ Հայաստանի ներկայացուցչությունը ստանում է իրավունք ներգրավված լինել ԵԵՊ-ի միջազգային նստաշրջաններին:

      ԵԵՊ-ի խորհրդի անդամ Ալան Ֆլաուրսն  օգոստոսի 2-ին կժամանի Հայաստան` հայկական ներկայացուցչության հետ ծանոթանալու և հետագա գործունեությունը քննարկելու նպատակով:

ԵԵՊ Հայաստանյան նախաձեռնության հիմնադիրներ