Սիրիայի ընդդիմության ջոկատները երկուշաբթի գրավել են Հալեպից հյուսիս-արևմուտք գտնվող ռազմավարական կարևոր նշանակություն ունեցող հսկիչ անցակետը։ Այս մասին տեղեկացնում է «Ֆրանս պրես»  գործակալությունը:

«Հալեպից 5 մղոն հեռավորության վրա գտնվող Անադան անցակետը 10 ժամ տևած պայքարից հետո այսօր ժամը 05:00-ին նվաճվել է»,–գործակալությանը հայտնել է ապստամբական ուժերի զորքերի գեներալ Աբդել Նասերը՝ հավելելով, որ  այդ անցակետը թույլ կտա իրենց վերահսկել Թուրքիայի սահման տանող ճանապարհը:

Հիշեցնենք, որ այսօր Սիրիայի ուժային գերատսեչություններից արդեն հաղորդում են, որ իրենց հաջողվել է վերահսկողություն սահմանել Սալահեդդին թաղամասի վրա: