-Ցավոք, այս իշխանությունները «պախանի» հոգեբանություն ունեն։ Նրանք չեն հասկանում՝ ինչ է քաղաքական կոմպրոմիսը, երկխոսությունը։ Նրաք չեն տիրապետում այդ քաղաքական մշակույթին։ Նրանց համար կոմպրոմիսի պատրաստակամությունը թուլության նշան է,- «Փաստարկ» ակումբում ասել է ՀԱԿ համակարգող Լևոն Զուրաբյանը։

Լևոն Զուրաբյանի խոսքերով, վերոնշյալից ելնելով՝ Հայ ազգային կոնգրեսը հասկացել է, որ այսուհետ անիմաստ է իշխանությունների հետ երկխոսության եզրեր փնտրելը, և ստեղծված իրավիճակի փոփոխությունը տեսնում է միայն Սերժ Սարգսյանի հրաժարականի մեջ։

Անդրադառնալով վերջերս իշխանության ներկայացուցիչների կողմից համաներման մասին խոսակցություններին՝ Լևոն Զուրաբյանն ասել է, որ այլևս ոչինչ չի փոխվի, և որ որևէ պայման իրենց այլևս չի գոհացնում։