ԱՄՆ-ը Սիրիայի ընդդիմությանն օգնություն է տրամադրել 25 մլն դոլարի չափով: Այս մասին, «Ռոսբալտի» փոխանցմամբ,  հայտնել է պետքարտուղարության պաշտոնական ներկայացուցիչ Պատրիկ Վենտրելը:

Պաշտոնյայի խոսքով՝ Սիրիայի ընդդիմությանը հատկացված ոչ ռազմական օգնության ծավալը կազմել է 15 մլն դոլար և լրացուցիչ 10 մլն դոլար՝ չհաշված միջազային կազմակերպությունների միջոցով տարածաշրջան ուղարկվող հումանիտար օգնությունը:

Վենտրելը հայտարարել է, որ ԱՄՆ-ը կշարունակի օգնություն ցուցաբերել այն ուժերին, որոնք Սիրայում պայքարում են կառավարական ուժերի դեմ: Նա ընդգծել է, որ ԱՄՆ-ը կանի ամեն բան, որպեսզի Սիրիայի իշխանություններն արագ հեռացվեն: