«Կոլորադոյի  հրաձիգ» Ջեյմս Հոլմսը, ով կինոթատրանում սպանել էր 12 մարդու, հոգեկան հիվանդ է:  Նախօրեին այդ մասին հայտարարել է նրա փաստաբան Դենիել Քինգը:

Ավելի վաղ հաղորդվել էր, թե Հոլմսը Կոլորադոյի համալսարանի հոգեբույժ Լին Ֆենթոնի հիվանդն է եղել, և բժշկին   ուղարկել է նախատեսված ահաբեկչության նկարագրությամբ նոթատետր։ Ֆենթոնը դեռևս հունիսի սկզբին համալսարանի ղեկավարությանը հայտնել էր  Հոլմսի մտադրության մասին, սակայն ոչ մի քայլ չէր ձեռնարկվել։

Ինչպես արդեն տեղեկացրել էինք, հուլիսի 20-ին Դենվերի Ավրորա քաղաքի  «Century 16 Movie» կինոթատրոնում 24-ամյա Ջեյմս Հոլմսը կինոդիտման ընթացքում կրակ էր բացել հանդիսատեսների ուղղությամբ: Զոհվել էր 12 մարդ, 58-ը վիրավորվել էր, 11 մարդ տեղափոխվել էր հիվանդանոց: