Oգոստոսի 25-ին, ժամը 01.50-ին, ոստիկանության Ստեփանավանի բաժնում ահազանգ է ստացվել, որ Ստեփանավան քաղաքի բնակիչ Վալիկո Մ.-ի տան բակից կրակոցի ձայներ են լսվում: 
Դեպքի վայր մեկնած օպերատիվ խումբը պարզել է, որ 1960 թ. ծնված Սամվել Էլոյանը, ժամը 01.30-ի սահմաններում, իր մոտ ապօրինի պահվող «ԻԺ» երկփողանի որսորդական հրացանից կրակել է աներոջ` Վալիկո Մ.-ի տան ուղղությամբ, այնուհետև ցանկապատի վրայով մտել է բակ, հրացանն ուղղել Վալիկո Մ.-ի վրա և սպառնալով, որ սպանելու է նրան ու զոքանչին` ևս մեկ կրակոց է արձակել, սակայն Վալիկո Մ.-ն ձեռքով թեքել է հրացանի փողը ու արձակված գնդակը դիպել է տան պատին: 
Հրացանն առգրավված է: 
Նշանակվել է դատաձգաբանական փորձաքննություն: 
Քննությունը վարում է ոստիկանության Ստեփանավանի քննչական բաժանմունքը: