Այսօր Արտաքին գործերի նախարարության  շենքի դիմաց տեղի է ունեցել «Հայազն» երիտասարդական միության նախաձեռնած բողոքի գործողությունը։  Մասնակիցները կարդացին հայտարարություն՝ Հունգարիայի կառավարության` Ռամիլ Սաֆարովին Ադրբեջան փոխանցելու որոշման   կապակցությամբ ներկայացնելով պահանջներ։

Գլխավոր պահանջը Հունգարիայի հետ դիվանագիտական հարաբերություններ չվերականգնելն է, քանի դեռ կառավարությունը որևէ որոշում չի կայացրել։

Նախաձեռնության մասնակիցները մեղադրում են Հայաստանի իշխանություններին և դիվանագետներին, ովքեր անգործության են մատնվել, և պահանջում են որպեսզի պաշտոնանկ արվեն այն պաշտոնյաները, դիվանագետները, ովքեր պատասխանատուն են տեղի ունեցածի համար, այդ թվում և ԱԳ նախարար Էդվարդ Նալբանդյանը։

Այնուհետև բողոքի գործողության մասնակիցները երթով շարժվել են դեպի Հունգարիայի հյուպատոսարանի շենքի, որտեղ այրել են Հունգարիայի դրոշը՝ մետաղադրամներ, լոլիկներ ու ձվեր նետելով  շենքի ուղղությամբ։

7or.am