Մարտի 1-ի գործով Փաստահավաք խմբի ընդդիմադիր ներկայացուցիչ Անդրանիկ Քոչարյանը դժոգհ է այն բանից, որ առանց խմբի բոլոր անդամների իրազեկման՝ խմբի ղեկավար Վահե Ստեփանյանը նյութերը փոխանցել է մարտի 1-ի դեպքերն ուսումնասիրող խորհրդարանական ժամանակավոր հանձնաժողովի նախագահ Սամվել Նկոյանին։

- Պարզվում է՝ կարգադրությունից հետո «մթության քողի տակ» հայտնվում է Վահե Ստեփանյանն ու որոշում փաստահավաք խմբի չհրկիզվող պահարանի պարունակությունը հանձնել Նիկոյանին։ Ինձ համար փաստաթղթերի ամբողջականության հարցը մնում է հարց։ Ես վստահ չեմ՝ ինչ նյութեր են  փոխանցվել պարոն Նիկոյանին,-ասել  է նա։

Սեդա Սաֆարյանն էլ նշել է, որ Սամվել Նիկոյանն անպայման պետք է հրապարակի այդ նյութերը։

-Մենք ուշի-ուշով հետևելու ենք Ազգային ժողովի հանձնաժողովի փաստաթղթին, որի մեջ պետք է ներգրավված լինեն Փաստահավաք խմբի հավաքած փաստաթղթերը։ Եվ եթե հանկարծ տեսնենք՝ որևէ փաստաթուղթ այնտեղ ներգրավված չէ , ես կարծում եմ, մենք դա կհնչեցնենք,-իր և Սեդա Սաֆարյանի անունից հայտարարել  է Անդրանիկ Քոչարյանը։