Քաղաքական

26.10.2012 13:19


ԲՀԿ–ում կոալիցիոն հուշագրի մասին հեգնանքով են խոսում

ԲՀԿ–ում կոալիցիոն հուշագրի մասին հեգնանքով են խոսում

Ազգային ժողովում այսօր` լրագրողների հետ հանդիպմանը, «Բարգավաճ Հայաստան» խմբակցության պատգամավոր Վահե Հովհաննիսյանը վերջ է դրել կոալիցոն հուշագրի մասին խոսակցություններին` ընդգծելով, որ կոալիցիոն հուշագրի հարց ԲՀԿ-ում գոյություն չունի:

«Մեզ համար շատ պարզ է, որ այն պահից, երբ ԲՀԿ-ն մաս չկազմեց իշխող քաղաքական կոալիցիային, այդ հուշագիրն ունի զուտ պատմագրական նշանակություն»,-ասել է Վահե Հովհաննիսյանը:

Նույն խմբակցության պատգամավոր Նաիրա Զոհրաբյանը ևս հաստատել է՝ ԲՀԿ-ՀՀԿ-ՕԵԿ կոալիցիա գոյություն չունի, ապա անդրադառնալով  նույն թեմայով Տիգրան Սարգսյանի հայտարարությանը՝ հստակեցրել է. «Նույն տրամաբանությամբ` Սևրի պայմանագիրը դեռ գործում է, ու եթե Տիգրան Սարգսյանի տրամաբանությամբ շարունակենք, ապա նա շարունակում է մնալ ԱԺՄ անդամ ու պետք է պաշտպանի Վազգեն Մանուկյանի թեկնածությունը»։

Այս խորագրի վերջին նյութերը