ՀՀ գլխավոր դատախազությունը  հաղորդում է ստացել թիվ 13/18 ընտրատեղամասի վստահված անձ  Ա.Բաբելյանից,  որ 2009 թվականի մայիսի 31-ին տեղի ունեցած Երեևանի ավագանու ընտրությունների ժամանակ թիվ 13/18 տեղամասում Ս. Պեպանյանը փորձել է 24 հատ քվեարկված քվեաթերթիկ գցել քվեատուփի մեջ և այդ եղանակով կեղծել քվեարկության արդյունքները:

Դիմումատուն կից ներկայացրել է նշված 24 քվեաթերթիկների պատճենները:

Նկատի ունենալով, որ ստացված նյութերում առկա են ՀՀ քրեական օրենսգրքի 34-150-րդ հոդվածով նախատեսված հանցագործության հատկանիշներ՝ ՀՀ գլխավոր դատախազությունում 11.06.09թ. հարուցվել է քրեական գործ, որն ուղարկվել է ՀՀ հատուկ քննչական ծառայություն՝ նախաքննություն կատարելու: