Իրանի ընտրական հանձնաժողովի տվյալներով՝ քվեաթերթիկների  77 տոկոսի հաշվարկից հետո գործող նախագահ Մահմուդ Ահմադինեջադը ստացել է ձայների 65 տոկոսը։ Նրա գլխավոր հակառակորդը՝ Միր-Հոսեին Մուսավին հավաքել է 32 տոկոս, այն դեպքում, երբ մյուս երկու թեկնածուները ստացել են գրեթե 2-ական տոկոս։

Ընտրական հանձնաժողովի ղեկավար Քամրան Դանեշջոյի գնահատականով՝ ընտրություններին մասնակցել է ավելի քան 35 մլն մարդ, որ Իրանի ընտրողների 75-80 տոկոսն է կազմում։

Առաջին փուլով հաղթանակի համար նախագահի թեկնածուին անհրաժեշտ է հավաքել ձայների 50 տոկոսից ավելին։