Լրահոս

13.06.2009 13:05


Դիմորդը «շպարգալկա» է կերել

Դիմորդը «շպարգալկա» է կերել

Կրթության և գիտության նախարար Արմեն Աշոտյանը  լրագրողների հետ զրույցում ներկայացրել է ընդունելության քննությունների նախնական արդյունքներն ու քննության ընթացքում առաջացած խնդիրները։ Միասնական քննությունների նախնական արդյունքներով՝  «Կենսաբանություն» առարկայից միջին միավորը եղել է 11,7, «Ընդհանուր պատմությունից»՝ 12, «Աշխարհագրությունից»՝ 13, «Հայոց լեզու և հայ գրականությունից»՝ 11,4։ Ըստ Արմեն Աշոտյանի՝ նախնական արդյունքներով ամենաբարձր միջին միավորը եղել է օտար լեզուներից։

-100-ին մոտ 20 միավոր և 1000-ից ավելի 18 ու բարձր գնահատական։ Օտար լեզուներից ավելի բարձր միավորներ են ստացել, որովհետև, հավանաբար, թեստերն ավելի մատչելի են եղել, քան հայոց լեզվից և մաթեմատիկայից։ Երկրորդ՝ դիմորդներն ավելի լավ են նախապատրաստվել, և կա տեղեկատվություն, որ որոշ քննակենտրոններում շրջանառվում էին հուշաթղթեր՝ «շպարգալկաներ»,-ասել է նա։

Նախարարը նշել է, որ տասնյակից ավելի  հուշաթղթեր առգրավվել են,  և աշխատանքներ է տարվում նրանց ծագումը պարզելու ուղղությամբ։

-Անգամ մի զավեշտալի դեպք եղավ. երբ դիմորդի ձեռքից հուշաթուղթը ուզում էին վերցնել, նա հասցրեց այն ուտել,-ասել է Արմեն Աշոտյանը։

Այս խորագրի վերջին նյութերը