Լրահոս

26.11.2012 09:36


Այսօր Սերժ Սարգսյանը պաշտոնական այցով կմեկնի Լիբանան

Այսօր Սերժ Սարգսյանը պաշտոնական այցով կմեկնի Լիբանան

Սերժ Սարգսյանը նոյեմբերի 26-28-ը պաշտոնական այցով կմեկնի Լիբանանի Հանրապետություն: Սերժ Սարգսյանը մի շարք հանդիպումներ կունենա երկրի բարձրագույն ղեկավարության՝ Լիբանանի նախագահ Միշել Սուլեյմանի, Ազգային ժողովի նախագահ Նաբիհ Բերրիի, ընդլայնված հանդիպում՝ երկրի խորհրդարանականների, վարչապետ Նաջիբ Միկաթիի հետ: Սարգսյանը կհանդիպի նաև լիբանանահայ համայնքի ներկայացուցիչներին: Այցի շրջանակներում նա կայցելի Անթիլիաս, հանդիպում կունենա Մեծի Տանն Կիլիկիո Արամ Ա կաթողիկոսի հետ: Սերժ Սարգսյանը կայցելի Հայկազյան համալսարան, որտեղ կհանդիպի Լիբանանի չորս առաջատար համալսարանների պրոֆեսորադասախոսական անձնակազմի, միջազգայանագետ ուսանողների հետ: Լիբանանում նա հագեցած այցի շրջանակներում հանդիպում կունենա նաև Մերձավոր Արևելքի Հայ Ավետարանական Եկեղեցիների նախագահ, վերապատվելի Մկրտիչ Կարագյոզյանի հետ, կայցելի Զմմառ, հանդիպում կունենա Տանն Կիլիկիո Կաթողիկե Հայոց կաթողիկոս, պատրիարք Ամենապատիվ Տեր Ներսես Պետրոս ԺԹ-ի հետ, կմասնակցի «Ուրբաթագրքի» տպագրության 500-ամյակի առիթով մշակութային կենտրոնի և Մատենադարանի նորոգված հարկաբաժնի բացմանը, այնուհետ կայցելի ձեռագրերի և հնատիպ գրքերի ցուցահանդես:

Սարգսյանի պաշտոնական այցի ընթացքում նախատեսված է նաև տարբեր ոլորտներում Հայաստանի և Լիբանանի միջև համագործակցության ամրապնդմանն ուղղված փաստաթղթերի ստորագրման արարողություն:

Այս խորագրի վերջին նյութերը