Ռուսաստանի ընդդիմությանը վրաց քաղաքական գործիչ Գիվի Թարգամաձեի ֆինանսավելու փաստի առիթով իրավաբանական օգնություն ստանալու վերաբերյալ հարցումը Վրաստան կուղարկվի  Շվեյցարիայի դեսպանատան դիվանագիտական ուղիներով:

 «Թե՛ Ռուսաստանը, թե՛ Վրաստանը քաղաքացիական, ընտանեկան և քրեական գործերով իրավաբանական օգնություն ցուցաբերելու և իրավահարաբերությունների վերաբերյալ Մինսկի 1993թ. համաձայնագրի  մասնակիցներ են: Հարցումը կուղարկվի  այդ համաձայնագրի շրջանակներում»,-բացատրել է  ՌԴ հետաքննչական կոմիտեի   պաշտոնական ներկայացուցիչ Վլադիմիր Մարկինը: Սովորաբար միջազգային իրավունքի օգնության հարցումը ուղարկվում է Ռուսաստանի արտգործնախարարության դիվանագիտական  ուղիներով:  Բայց քանի որ ՌԴ–ի և Վրաստանի միջև դիվանագիտական հարաբերությունները խզված են, հարցումը կուղարկվի Շվեյցարիայի դեսպանատան միջոցով: Ավելի վաղ պարզվել է, որ Ռուսաստանում անկարգությունների կազմակերպումը ֆինանսավորվել է Վրաստանից: Նախաքննությունը հաստատել է, որ Սերգեյ Ուդալցովին, Լեոնիդ Ռազվոզժաևին և Կոնստանտին Լեբեդևին ֆինանսավորել է Վրաստանի խորհրդարանի անվտանգության և պաշտպանության  կոմիտե նախագահ Գիվի Թարգամաձեն:

ԶԼՄ-ում Գիվի Թարգամաձեի և ռուսական ընդդիմության  ղեկավարների կապի վերաբերյալ տեղեկատվության  հայտնվելը Մարկինը բացատրել է այսպես. «Հետաքննչական կոմիտեն  շահագռգռված չէ, որ դրանք  հրապարակվեն, բայց քանի որ այդպիսի նյութեր են հայտնվել ԶԼՄ-ում, ՀԿ-ն միայն կարող է դրանց գոյությունը հաստատել»:

Եթե այս մեղադրանքն ապացուցվի, ապա նշված երեքին էլ 5 տարվա ազատազրկում է սպասում: