Գնալով ավելի շատ բրիտանացի մեծահարուստներ են մտածում այլ երկիր տեղափոխվելու մասին. ոչ թե մեծ հարկերի պատճառով, այլ Մեծ Բրիտանիայի վատ եղանակի:

«Lloyds TSB International»-ի  տվյալներով՝ մոտ 22% -ը այն մարդկանց, ում եկամուտը գնահատվում է 1 մլն ֆունտ ստեռլիգ կամ ավելի, ծրագրում է երկու տարվա ընթացքում հեռանալ Մեծ Բրիտանիայից: Դա  3%-ով ավելի է, քան անցյալ տարի էր,  և 6%- ով ավելի, քան տարիուկես առաջ:

Մեծահարուստների  երկու երրորդը որպես  հեռանալու հիմնական պատճառ է նշում Մեծ Բրիտանիայի վատ եղանակը, իսկ 49%-ին  անհանգստացնում է հանցավորությունը, 45%-ն էլ դժգոհ է թանկությունից:

Առաջինը, որտեղ կցանկանային տեղափոխվել բրիտանացիները, Ֆրանսիան է, հաջորդում են Իսպանիան, ԱՄՆ-ը, Ավստրալիան և Նոր Զելանդիան: