ՀՀԿ խմբակցույթան ղեկավար Գալուստ Սահակյանը այսօր ԱԺ-ում  հայտարարել է, թե ԱԺ ընտրությունները կեղծել են՝ ընդդիմությանը խորհրդարան մտցնելու համար:

Ի պատասխան՝ Հայ ազգային կոնգրեսի խմբակցության ղեկավար Լևոն Զուրաբյանը հայտարարել է. «Գալուստ Սահակյանը ինքնախոստովանական ցուցմունք է տվել կատարված կեղծիքների մասին»,–հարց ուղղելով ԱԺ նախագահ Հովիկ Աբրահամյանին՝ արդյոք նա՝ չարձագանքելով այդ պնդմանը, միանո՞ւմ է այդ ինքնախոստովանական ցուցմունքին: Աբրահամյանի փոխարեն արձագանքել է Գալուստ Սահակյանը՝ հայտարարելով. «Հռետորը մի քանի տարի պիտի մնա խորհրդարանում, որ կարողանա հասկանալ՝ Գալուստ Սահակյանն ինչ է ասում»: