Այսօր ասուլիսին Հայաստանի Ազգային վիճակագրական ծառայության (ԱՎԾ) մարդահամարի և ժողովրդագրության բաժնի պետ Կարինե Կույումջյանը ներկայացրեց 2011 թվականի մարդահամարի նախնական արդյունքները: 

Ըստ բանախոսի՝  նախնական տվյալների համաձայն,  ՀՀ 2001թ. մարդահամարի համեմատությամբ,  առկա բնակչության թվաքանակի ցուցանիշը`  ըստ հաշվառման պահի նվազել է 130 823 մարդով, իսկ մշտական  բնակչությանը` 194 157 մարդով:

Ըստ ՀՀ 2011թ.  մարդահամարի նախնական արդյունքների` ՀՀ մշտական բնակչության 36.7 % կազմում է գյուղական  բնակչությունը, իսկ 63.3 %` քաղաքայինը, որի գերակշիռ մասը  (55.5 %)  բաժին է ընկնում  մայրաքաղաք Երևանին: