Իրավաբան Ալեն Սիմոնյանը Ֆեյսբուքի իր էջում գրել է.

«Մեծ խնդրանք ունեմ ՀՀ իշխանություններին: Այսօր մի իրավիճակ է ստեղծվել, երբ հնարավոր է իրականում ազատ արդար ընտրություններ անել, գնալ դեպի նոր Հայաստան: Հայաստան, որտեղ գոնե 1 անգամ իրոք արդար ընտրություններ տեղի ունեցան: Որին, գուցե կարելի է անվանել ժողովրդավար: Բա՛ց թողեք ՀԱԿ-ի տղաներին և հանգի՛ստ թողեք Վ. Օսկանյանին, ներո՛ւմ շնորհեք Բոզոյանին: Ազատե՛ք աշխատանքից թաղային հեղինակություններին, ավտոբուսները, մահացած մարդկանց ցուցակներից հանե՛ք: Ե՛տ կանչեք անիմաստ թեկնածուներին, մարդա մի պատվոգիր եվ գո՛րծ տվեք: Հրաժարվե՛ք նույնիսկ ամենամանր խախտումից: Հաղթե՛ք իրականում: Դա անելով՝ Դուք կմտնեք պատմության մեջ, կդառնաք լեգիտիմ նախագահ աշխարհի համար, նախագահ, որը ընտրվածի դիրքերից կխոսի Ալիևի, Էրդողանի և Պուտինի հետ: Նախագահ, որը կմնա պատմության մեջ: Օգտագործե՛ք այդ շանսը, այլապես կստացվի, որ վախենում եք պարտվել Չակ Նորիսին: Արե՛ք դա Ձեզ համար»: