Սիրիայի նախագահ Բաշար Ասադը երկրում ստեղծված իրավիճակից դուրս գալու փուլային ծրագիր է առաջարկել:  Ըստ դրա` Սիրիայում ձևավորվում է նոր կառավարություն, իսկ ազգային երկխոսության համաժողովից հետո հայտարարվում  է համընդհանուր համաներում:

«Ճգնաժամից դուրս գալու առաջին փուլը պետք է լինի ընդդիմադիր զինյալներին աջակցությունը դադարեցնելու վերաբերյալ  օտարերկրյա պետությունների պարտավորության ստանձնումը: Երկրորդ փուլում պետք է գումարվի ազգային երկխոսության կառավարական համաժողով, իսկ երրորդում ձևավորվի նոր կառավարություն, և հայտարարվի համընդհանուր համաներում»,-Սիրիայի բնակչությանն ուղղված իր ուղերձում նախօրեին ասել է Ասադը: