«Նախապատրաստվում է մի աշխատություն, որով  կբացահայտվեն    ադրբեջանահայերի  կոտորածների մութ և դեռևս անհայտ էջերը»,–այսօրվա ասուլիսին ասել է Ադրբեջանահայերի ասամբլեայի նախագահ Գրիգորի Այվազյանը։ Ըստ բանախոսի՝ միջազգային հանրությունը պետք է իրազեկ լինի, թե ինչ է  տեղի ունեցել իրականում: Այվազյանը հերթական անգամ հիշեցրել է, որ  Ստրասբուրգի դատարանում Ադրբեջանի դեմ հարուցվել է դատական գործ:

«Ադրբեջանի հանցավոր ռեժիմին թույլ չենք տա մոռանալ իրենց հանցագործությունները:  Ես ամաչում եմ Ադրբեջանի նախագահի փոխարեն. մինչև հիմա միայն խոսում է տեղի  ունեցած հանցագործությունների բացահայտման մասին, բայց  իրականում ոչ մի քայլ չի անում: Փախստականների վերադարձի  մասին են խոսում, բայց մոռանում են, որ փախստականների վերադարձը  պետք է երկկողմանի լինի»,–ասել է բանախոսը։

7or.am