Վրաստանի երեք հայ քաղաքացի 2012թ. դեկտեմբերին քաղաքացիական իրավունքի խախտման փաստը արձանագրելու համար դիմել են «Վրաստանի հայ համայնք»–ին: «akhaltskha.net»–ի փոխանցմամբ՝ այս մասին նշված է «Վրաստանի հայ համայնք»-ի տարածած հայտարարության մէջ:

Այդ հայտարարության համաձայն` 2012թ. դեկտեմբեր 7–ին վերոնշյալ քաղաքացիները աշխատանքի են ընդունվել Թբիֆլիսիի խանութներից մեկում, որի սեփականատերը, ինչպես ավելի ուշ է պարզվել, ադրբեջանցի է: Երբ խանութի տնօրինությունը պարզել է  իրենց մոտ աշխատանքի ընդունված մարդկանց ազգությունը, հեռացրել է նրանց աշխատանքից:

Խտրականության զոհ դարձած քաղաքացիները դիմել են նաև Վրաստանի մարդու իրավունքների պաշտպանին:

Համայնքի տարածած հայտարարության մեջ նշվում է, որ Վրաստանում ապրող օտարերկրյա քաղաքացիների կողմից Վրաստանի քաղաքացի հայերի նկատմամբ նմանատիպ խտրականությունը վերջին ութ տարիների ընթացքում պարբերական բնույթ է կրում:Վրաստանի տարածքում աշխատող ադրբեջանցի և թուրք ձեռնարկատերերն իրենց մոտ աշխատանքի են ընդունում՝ առաջնորդվելով ազգային պատկանելությամբ, որը հակասում է Վրաստանի օրենսդրությանը:

 «Վրաստանի հայ համայնք»-ը դատապարտում է քաղաքացիների իրավունքները յուրաքանչյուր խախտում և դիմում է բոլոր պատկան մարմիններին՝ արագ կարգավորելու քաղաքացիների նկատմամբ այս և այլ իրավունքներու խախտումները:

7or.am