«ԲՀԿ առաջնորդ Գագիկ Ծառուկյանը նախագահական ընտրություններին իր թեկնածությունը չի առաջադրել՝ խուսափելով հասարակության մեջ քաղաքացիական բախում առաջացնելու հնարավորությունից»,–«Ազատություն» ռադիոկայանի հետ զրույցում ասել է ԱԺ ԲՀԿ խմբակցության պատգամավոր Գուրգեն Արսենյանը: 

«Պարոն Ծառուկյանը, վերլուծելով, նաև քննարկելով հնարավոր սցենարները՝ ընտրության և հետընտրական, խուսափեց հասարակության մեջ լարում, բախում առաջացնելու հնարավորությունից»,–ասել է նա՝ ավելացնելով, որ ինքը այդ որոշումը չի կարող սխալ համարել: