Լրահոս

25.01.2013 12:37


Ահարոն Ադիբեկյանը էպոսագետին պարանոյիկ է անվանել և պոռնոաստղի հետ համեմատել

Ահարոն Ադիբեկյանը էպոսագետին պարանոյիկ է անվանել և պոռնոաստղի հետ համեմատել

Սոցիոլոգ Ահարոն Ադիբեկյանն այսօր հրավիրված ասուլիսում ներկայացրել է 1650 չափահաս բնակչի շրջանում անցկացված այն հարցման արդյունքները, որով պարզվել է հայաստանյան հասարակության ռուսամետ, թե արևմտամետ լինելը: Ո՞ւմ պետք է միանա Հայաստանը հարցին ամենաշատ պատասխանները ստացվել է Ռուսաստանի օգտին, այնուհետև՝ Եվրամիության:

Ադիբեկյանն ընդգծել է, որ նախագահի թեկնածուները սա պետք է նկատի ունենան, և իրենց կողմը ձգեն և՛ ռուսամետ, և՛ Եվրամիության կողմնակից ընտրազանգվածին։

Որպես Հայաստանում առաջին խնդիր էլ հարցվածների մեծամասնությունը մատնանշել է աշխատավարձերը, թոշակները, արտագաղթը և հետո նոր միայն Ղարաբաղի հարցը։

Ադիբեկյանը խոսել է նաև նախագահի թեկնածու, էպոսագետ Վարդան Սեդրակյանի մասին՝ ասելով, թե նախագահ դառնալը, երևի, նրա մանկության երազանքն է եղել։

–Նա պարանոյիկ է: Ո՞վ է տեսել, որ երկու ամսվա վազանցի միջոցով դառնան նախագահ։ Սա խեղկատակություն է։ Դա նույն է, թե պոռնոաստղին դարձնես նախագահ:

Նախագահի մեկ այլ թեկնածու Անդրիաս Ղուկասյանին էլ սոցիոլոգը մանկամիտ է անվանել։

–Այդպես նախագահ չեն դառնում. նրան ոչ ոք չի ճանաչում: Ո՞վ պիտի ընտրի։ Այս տիպի թեկնածուներից ոչ մեկն ինձնից ավելի ճանաչված չէ,–ասել է Ադիբեկյանը և ընդգծել, թե հացադուլը թույլի միակ զենքն է։

7or.am

Այս խորագրի վերջին նյութերը