«Ժողովուրդ» թերթը գրում է, որ ՀՀ պաշտպանության նախարարության կողմից կազմակերպված պետական միջոցառումներին հրավիրված չեն եղել ազատամարտիկներ Սասուն Միքայելյանը, «Մեծն Տիգրան» աշխարհազորային գնդի հրամանատար Սմբատ Այվազյանը, Մյասնիկ Մալխասյանը, Ժիրայր Սեֆիլյանը և այլք: «Ժողովուրդ»-ը պարզել է, որ փոխարենը ՊՆ միջոցառումներին մասնակցել է ՊՆ-ին մատակարարված ժամկետանց գոմեշի մսի հայտնի պատմության դերակատար Արշալույս Փայտյանը: «Ինչպե՞ս հասկանալ այսքան խայտառակությունից հետո նրան մեծարելը, իսկ ազատամարտիկներին արհամարհելը: Արդյոք Ա. Փայտյանը միայնա՞կ չի գործել, ու դրա համար էլ ՊՆ ղեկավարությունը նրա նկատմամբ այդքան սիրալիր և ուշադիր է»,-գրում է թերթը: