Պաշտոնից հեռացող ԱՄՆ պաշտպանության նախարար Լեոն Պանետան հայտարարել է, որ կողմ է սիրիացի աբստամբներին զինելու և վերապատրաստելու գաղափարին։

Սա առաջին անգամն է, երբ ամերիկացի  բարձրաստիճան պաշտոնյան հրապարակավ նման հայտարարություն է անում։ Պանետան պատմել է, որ անցյալ ամառ կողմ է արտահայտվել Սիրիայի ապստամբներին զինելու նախկին պետքարտուղար Հիլարի Քլինթոնի մշակած ծրագրին։

Սակայն նախագահ Բարաք Օբաման մերժել է այն՝ չցանկանալով անմիջական մասնակցություն ունենալ սիրիական հակամարտությանը։