Անգլիայի մի բժշկական կետնրոն հրապարակել է իր հետազոտություների արդյունքները, ըստ որի` ֆիզիկական մարզումները նվազեցնում են սպիտակամորթ տղամարդկանց շագանակակեղձի քաղցկեղի առաջացման հավանականությունը կամ հեշտացնում են հիվանդության ընթացքը:  Հետազոտությանը մասնակցել են 164 սպիտակամորթ և 143 սևամորթ տղամարդ: Պարզվել է, որ սպորտով զբաղվող սպիտակամորթ տղամարդիկ 53%-ով ավելի քիչ են հիվանդանում շագանակակեղձի քաղցկեղով, քան նրանք, ովքեր նստակյաց կյանք են վարում: Սակայն սևամորթ տղամարդկանց պարագայում նույն արդյունքները չեն հայտնաբերվել. նրանք քաղցկեղի համար ավելի խոցելի են։ 

Գիտնականները դեռևս չեն կարողանում բացատրել, թե նմանատիպ ռասայական անհավասարությունն ինչով է պայմանավորված, սակայն այս բացահայտումը նոր հետազոտությունների հիմք է հանդիսացել: