Վրաստանում «Փաստարկներ» հաղորդման ուղիղ եթերի մասնակիցները ոչ միայն բանավիճել են, այլև գործի են դրել բռունցքները։ Քաղաքական մեծամասնության ներկայացուցիչ Կոբա Դավիթաշվիլին և Սահակաշվիլիի կուսակցության անդամ Սերգո Ռաթիանին անցել են թույլատրելի բոլոր սահմանները։

Նախ Դավիթաշվիլին վիրավորել է իր ընդդիմախոսին՝ սպառնալով կտրել նրա վիզը։ Վերջինս էլ, ասելով, թե բանավեճն անիմաստ է, ջրով լի բաժակը շուռ է տվել սեղանին ու փորձել է դուրս գալ տաղավարից։ Դավիթաշվիլին նետվել է դեպի հեռացող Ռաթիանին՝ փորձելով կանգնեցնել նրան։ Վիճաբանությունն անմիջապես վերածվել է ծեծկռտուքի։