Այսօր Հայաստանի Հանրապետությունում 6-րդ անգամ նախագահական ընտրություններ են անցկացվում:
Երկրի 41 ընտրատարածքներում ընտրությունների կազմակերպման համար ձևավորվել է 1988 տեղամասային կենտրոն: Քվեարկությունը մեկնարկել է առավոտյան ժամը 08:00-ին, և կավարտվի 20:00-ին:
 Քվեաթերթիկում ՀՀ նախագահի թեկնածուները ներկայացված են այբբենական հերթականությամբ՝  ազգանունները, անունները, հայրանունները և առաջադրող կուսակցությունների անվանումները. «Ազատություն» կուսակցության նախագահ Հրանտ Բագրատյան, «Ազգային ինքնորոշում միավորում» կուսակցության նախագահ Պարույր Հայրիկյան, «Ժառանգություն» կուսակցության նախագահ Րաֆֆի Հովհաննիսյան, անկուսակցականներ` Անդրիաս Ղուկասյան և Արման Մելիքյան, ՀՀԿ նախագահ Սերժ Սարգսյան, անկուսակցական Վարդան Սեդրակյան: