Ուշագրավ դեպք է տեղի ունեցել ԱՄՆ-ի Նյու-Յուրք նահանգի Սարատոգա քաղաքում: 33–ամյա Ջունի Վիջերին մեղադրանք է ներկայացվել անչափահասներին վտանգելու համար: Բանն այն է, որ իր որդու 16–ամյակի կապակցությամբ  կազմակերպված խնջույքին, որտեղ ներկա են գտնվել ոչ միայն չափահասները, այլ նույնիսկ 13 տարեկանից ցածր երեխաներ, Ջունին մերկապարուհիներ է կանչել, իսկ խնջույքի նկարները շուտով հայտնվել են սոցիալական ցանցում:

Նկարները պատահական տեսել է Ջունիի տղայի ընկերներից մեկի մայրը, ով դիմել է համապատասխան մարմիններին, ինչից հետո Վիջերենի դեմ քրեական գործ է հարուցվել:  Իսկ մերկապարուհիներին տրամադրող գործակալությունը հայտնել է, որ տեղյակ չի եղել խնջույքի մասնակիցների տարիքից, այդ իսկ պատճառով կազմակերպությանը մեղադրանք չի ներկայացվել: