Ինչպես արդեն տեղեկացրել էինք, այսօր առավոտյան «Ժառանգություն» կուսակցության նախագահ Րաֆֆի Հովհաննիսյանը մեկնել է մարզային հանդիպումների։

Աշտարակի ճանապարհին Հովհաննիսյանը կանգ է առել մայրուղում՝ անցորդներին բարի օր մաղթելու։ Պաշտպանության նախարարության նախկին շենքի տարածքում Հովհաննիսյանը բարևել է զինվորներին՝ նրանց լավ օր մաղթել։

«Աշտարակի հպարտ քաղաքացիներ, քարոզարշավի ժամանակ եղել եմ այստեղ, երբ այս հրապարակը դատարկ էր, տիրում էր վախի մթնոլորտ, այժմ ես եկել եմ բարև ասել ձեզ և հիշեցնել, որ ոչ ոք ձեր իրավունքի վրա չի կարող բռնանալ: Դուք չեք ընտրել Րաֆֆիին Սերժի դեմ, դուք ընտրել եք մեր երեխաների ապագան»,–աշտարակցիների հետ հանդիմանն ասել է Րաֆֆի Հովհաննիսյանը՝ նշելով, թե «բարևի մեջ» Աշտարակ կա:

7or.am