Լոնդոնի քաղաքապետն արգելել է ավտոբուսների վրա տեղադրել քրիստոնեական գովազդը՝ ուղղված համասեռամոլների դեմ, որում ասվում է. «Համասեռամոլ չեմ: Նախկին համասեռամոլ եմ և հպարտ եմ դրանով: Համակերպվիր դրա հետ»: Այդպիսի գովազդ է տեղադրել քրիստոնյաների «Core Issues Trust» խումբը։ Խմբի անդամներն այդպիսով ցանկացել են պատասխան տալ ավելի վաղ համասեռամոլների տեղադրած՝ «Որոշ մարդիկ համասեռամոլ են: Համակերպվիր» գովազդին:

Լոնդոնի քաղաքապետ Բորիս Ջոնսոնը, սակայն, արգելել է քրիստոնեական նախաձեռնող խմբի գովազդը տեղադրել, ինչը և հասարակության շրջանում մեծ դժգոհություն է առաջացրել։  Նրանց կարծիքով՝ դա խախտում է խոսքի ազատության հավասար պայմանները, ինչից էլ  սահմանափակվում են մարդկանց իրավունքները: Եվ «Core Issues Trust»-ը պատրաստվում է դատարան դիմել: