Հունիսի 25-ին Վայոց ձորի մարզից տեղեկություն է ստացվել, որ ժամը 19.15-ի սահմաններում Շատին գյուղով անցնող ոռոգման մայր խողովակաշարը վնասվել է, տեղի է ունեցել ջրի մեծ արտահոսք, ինչի հետևանքով քանդվել է հանդամիջյան ճանապարհի մոտ 30 մ հատվածը, հեղեղվել 3-4 հազար քմ մակերեսով խոտհարք, արմատախիլ եղել 1 ընկուզենի:

Դեպքի մասին տեղյակ է պահվել «Եղեգնաձոր ոռոգում» ընկերությունը և մարզպետարանը:

Խողովակաշարում ջրի հոսքը դադարեցվել է և իրականացվել են վերանորոգման աշխատանքներ:

Նոր վտանգի սպառնալիք չկա:

ՀՀ արտակարգ իրավիճակների նախարարության Հայաստանի փրկարար ծառայության տեղեկատվության և հասարակայնության հետ կապերի բաժին