Հուլիսի 2-3-ը Հայաստանի արտգործնախարար Էդվարդ Նալբանդյանի  հրավերով երկօրյա աշխատանքային այցով Հայաստան կժամանի ԵԱՀԿ գործող նախագահ, Հունաստանի արտգործնախարար Դորա Բակոյանիսը:

Այցի ընթացքում նախատեսվում են Հունաստանի արտգործնախարարի հանդիպումները Հայաստանի նախագահ Սերժ Սարգսյանի և արտգործնախարար Էդվարդ Նալբանդյանի հետ:

Նախարար Նալբանդյանի և Դորա Բակոյանիսի հանդիպումը տեղի կունենա հուլիսի 3-ին: Հանդիպումից հետո ԱԳՆ ասուլիսների սրահում տեղի կունենա արտգործնախարարների համատեղ ասուլիսը: