Սիրիայի զինյալ ապստամբները գերի են վերցրել ՄԱԿ–ի 20 դիտորդների։ Միջադեպը տեղի է ունեցել իսրայելա-սիրիականան սահմանին՝ Գոլանի բարձրունքի մոտակայքում։  BBC-ի փոխանցմամբ՝ դիտորդները Սիրիայի և Իսրայելի միջև կնքված հրադադարի պահպանման դիտարկում էին անցկացնում։

ՄԱԿ-ի Անվտանգության խորհուրդն արդեն դատապարտել է տեղի ունեցածը ու պահանջել անհապաղ ազատ արձակել դիտորդներին։

Համացանցում տեղադրված տեսանյութում ապստամբները հայտարարել են, որ դիտորդներն ազատ կարձակվեն միայն այն ժամանակ, երբ սիրիական բանակայինները դուրս կգան Գոլանի մոտակայքում գտնվող մի գյուղից։