Վրաստանում  խորհրդարանական մեծամասնության՝ «Վրացական երազանքի», ինչպես նաև նախագահ Միխայիլ Սաակաշվիլիի գլխավորած «Ազգային միասնական շարժում» կուսակցության մի շարք ընդդիմախոսներ կոչ են անում նախագահին զրկել մայիսի 26-ին Վրաստանի Անկախության օրվա շքերթն ընդունելու հնարավորությունից։

«Ազատություն» ռադիոկայանի վրացական ծառայության փոխանցմամբ՝ խորհրդարանի պաշտպանության հանձնաժողովի նախագահ Իրակլի Սեսիաշվիլին հայտնել է, որ շքերթը պետք է ընդունի վրաց ժողովուրդը: Իսկ Վրաստանի պաշտպանության նախարար Իրակլի Ալասանիան, նշելով, թե  տոնական օրը տպավորիչ է լինելու, շրջանցել է հարցը՝ ով է ընդունելու շքերթը: