ՀՀ ԱԳ նախարար Էդվարդ Նալբանդյանը ԵԱՀԿ գործող նախագահ, Հունաստանի Հանրապետության արտգործնախարար տիկին Դորա Բակոյանի հետ համատեղ ասուլիսում Հունաստանի հանրային հեռուստատեսության լրագրողի հարցին պատասխանելիս ասել է, որ Հայաստանի և Թուրքիայի միջև պայամանավորվածություն է ձեռք բերվել՝ երկու երկրների հարաբերությունները կարգավորել առանց նախապայմանների։

Նա նշել է, որ բանակցությունների սկզբում Թուրքիան երկու նախապայման էր առաջ քաշում՝ Ղարաբաղյան հարցի հանգուցալուծման և Ցեղասպանության ճանաչման գործընթացի հետ կապված, սակայն եկել են համաձայնության, որ սահմանների բացմանն ու հարաբերությունների կարգավորմանը գնում են առանց նախապայմանների։

7or.am