- Ամենևին չի բացառվում, որ պարոն  Սուքիասյանը կներկայանա, և որպես պարոն Սուքիասիանի փաստաբաններ՝ մենք ասում ենք, որ, ամենայն հավանականությամբ, նա կներկայանա,- «Հայելի» ակումբում խոսելով ԱԺ պատգամավոր Խաչատուր Սուքիասյանի՝ ընդհատակից դուրս գալու մասին՝ ասել է նրա փաստաբան Արթուր Գրիգորյանը։

Նա նշել է, որ մարտի 1-ի գործով հետախուզվող պատգամավորի վերջին հայտարարությունից երևում է, որ նա ներկայանալու խնդիր չունի, և անկախ նրանից,  կփոխվի՞ նրա նկատմամբ խափանման միջոցը, թե՞ ոչ, Սուքիասյանն իր կամքով է ներկայանալու կամ չներկայանալու։

-Համաներման տեքստի մեջ, իմ և մյուս փաստաբան  պարոն Զաքարյանի կարծիքով, հարկադրանքի որաշակի էլեմենտ կա։ Պարոն Սուքիասյանը ներկայանալու խնդիր չունի. սա իր հայրենիքն է, որի զարգացման մեջ ուենցել է իր որոշակի ավանդը։ Նա որևէ  հանցագործություն չի կատարել և կաշկանդված չէ իրեն ներակյացված մեղադրանքի էությունը քննարկման առարկա դարձնելուց,- նշել է Արթուր Գրիգորյանը։

Նրա խոսքերով՝ ոչ ոք երաշխիք չի տալիս, թե Խաչատուր Սուքիասյանը կընկնի համաներման տակ։

-Համաներումը կարող է կիրառվել կամ չկիրառվել, կարող է՝ նրան 8 տարի դատապարտեն, չընկնի համանաերման տակ,-հավելել է Արթուր Գրիգորյանը։

7or.am