Այնպիսի տպավորություն է, որ Սուրիկ Խաչատրյանին (Լիսկա) փոխանակում են Տիգրան Սարգսյանի հետ:

Հաստիքային հեղափոխականներին Լիսկայի քաջագործությունները ավելի շատ են հետաքրքրում, քան վարչապետի «օֆշորային վոյաժները»: Ուստի հիմա ամբողջ թափով Լիսկայի հրաժարականն են պահանջում, որ վարչապետի ֆինանսական խարդախությունները մոռացության մատնվեն:

Շախմատային լեզվով ասած՝ ՍՍ-ն սպային զոհում է թագուհուն պահելու համար:

Բայց Լիսկային պաշտոնանկ անելու մասին խոսակցությունները արդեն տեւական ժամանակ է ինչ կան, ուղղակի առիթ էր պետ, հո հենց այնպես, առանց առիթի չեն զոհելու Լիսկային։

Հ.Գ.։ Տարօրինակ է, որ Սերժ Սարգսյանից են պահանջում պատժել Սուրիկ Խաչատրյանին: ՍՍ-ն հո դատաիրավական համակարգի մարմնացումը չէ՞, յուրօրինակ Ֆեմիդա (արդարադատության աստավծուհի): Սերժ Սարգսյանը ընդհանրապես չպետք է խառնվի դատաիրավական համակարգի գործունեությանը, քանի որ ըստ ՀՀ Սահամանադրության դատական իշխանությունը անկախ է, թե «նենգաբար» մտածում եք, որ ամեն ինչ որոշվում է մեծարգո Սերժ Ազատիչի կամքով եւ ցանկությամբ:

Աղբյուրը՝ https://www.facebook.com/derenik.malkhasyan