Հուլիսի 8-ին, ժամը 18.00-ին ահա­զանգ է ստացվել, որ տեղացած հորդառատ անձրեւի հետեւանքով Երեւանի Ա. Մյասնիկյան պողոտայում գոյացել են ջրակուտակումներ, որոնցում հայտնված ավտոմեքենաները խցանումներ են առաջացրել:

Դեպքի վայր է մեկնել երկու մարտական հաշվարկ և ճգնաժամային կառավարման կենտրոնի օպերատիվ խումբը:

Դեպքի մասին տեղյակ է պահվել Երևանի ճանապարհային ոստիկանությունը:

Ժամը 18.30-ից մինչեւ 19.30-ը փրկարարների կողմից կցորդման միջոցով ավտոմեքենաները դուրս են բերվել ջրափոսերից:

Նույն օրը ստացված բազմաթիվ ահազանգերի համաձայն' տեղացած հորդառատ անձրևի հետևանքով անձրևաջրերի կուտակումներ են առաջացել մայրաքաղաքի Մանուշյան 38, Կասյան 12, Փափազյան 26, Մարշալ Բաղրամյան 58, Արաբկիրի 33-րդ փողոց 15 և 17, Հալաբյան 4, 22 և 29, Էստոնական 3, Լենինգրադյան 6, Առաքելյան 49 հասցեներին հարակից տարածքներում, ինչպես նաև Նալբանդյան, Հերացու և Օրբելի փողոցների գետնանցումներում:

Դեպքերի մասին տեղյակ են պահվել Երևանի քաղաքապետարանն ու համապատասախան վարչական շրջանների կոմունալ բաժինները և փրկարար ծառայության' Երևանի  համայնքային բաժինները:

Ժամը 19.25-ին ահա­զանգեր են ստացվել անձրեւի հետևանքով Երևանի Լենինգրադյան փողոցում առաջացած ջրածածկ տարածքի վերաբերյալ, ուր  բազմաթիվ ավտոմեքե­նաների կուտակումների պատճառով երթևեկությունը խափանվել է:

Դեպքի վայր է մեկնել մեկ մարտական հաշվարկ և հատուկ փրկարար ջոկատի հերթապահ խումբը:

Դեպքի մասին տեղյակ են պահվել Երևանի քաղաքապետարանի և Աջափնյակի կոմունալ բաժինները:

Դեպքի վայրում է գտնվել ՀՀ ԱԻ նախարար Մ. Շահգելդյանը:

Մինչ ժամը 20.30-ը փրկարարների կողմից կցորդման միջոցով ավտոմեքենաները դուրս են բերել ջրածածկ տարածքից, և երթևեկությունը վերականգնվել է: